lundi 6 juillet 2009

Ernesto Calzavara



Se no ghe fusse

El can camina sui sassi.
Se no ghe fusse el can
che sta tra mi e i sassi
no capirìa sto mondo
no capirìa.

I pessi noa ne l’aqua
l’aqua passa dai pessi
i osei svola ne l’aria
l’aria passa fra lori…
Se no ghe fusse i pessi
se no ghe fusse i osei
tra l’aqua e mi
tra l’aria e mi
no podarìa vìvar qua
no podarìa.

Se no ghe fusse bestie
in mezo a sto deserto
no ghe starìa
no ghe starìa.



, , , , , , , , , , , , , , ,,,,,,, , , Da : Analfabeto (1979)

Aucun commentaire: