lundi 14 mars 2016

Di Palmo

Adesso ti xe un albero, papà,
uno de quei alberi
che no gà più bisogno de niente:
basta un fià de vento
un fià de piova
per viver na vita piena de sgrìsoli,
de usignoli che se sgola

Le fogie gà la to vose
e co s'ciopa el temporal
ti te risciàri co i lampi
ti te imboressi co i toni.

Adesso ti xe un albero, papà,
uno de quei alberi che te faseva ombra
nel giardin de l'ospissio
quando mi o i me fradèi
te portavimo Zito, ingobìo,
co la carossèa, apena sta istà.
Adesso ti xe un albero, papà,
un albero grando
sensa nome
dove le seleghete va a ripararse
quando ghe xe vento
e la vita se desmèntega de la vita
e mi me desmèntego

che no ti ghe xe più.